Onse Kjinja – Jesus Siene Jinja
Onse Kjinja wieren kjlien; nu sent see groot. Sea väl es doa entweschen passiet: Mootje Tieden un schwoare Doagen; Schaftje Kjinja un dolle Jesechta; Schwiensche Kjleeda un kranke Baden; Froagen un Fäla; School un kjast; Väl ha wie jelieet.
Wie woaren enn, aundre Elren haben uk Froagen äwa Famielje Läwen, krakjt soo aus wie. See leewen äare Famieljes, uk soo aus wie. See haben een Velangen mea to lieren; wada soo aus wie. Doaderch wort ekj mie eenich dee Dinj fa aundre opp to schriewen, waut wie jeliat haben.
Dit Buak wiest woo jie june Kjinja kjennen lieren junt to horchen onen daut jie brucken doll woaren äwa äant; woo jie kjennen frooe Kjinja haben enne städ schlemme un dolle; woo jie dee kjennen von een gauns junget ella lieren dee Woarheit räden daut jie vollet Vetruen kjennen haben opp waut see sajen; uk woo jie june Kjinja kjennen opp june Sied hoolen derch dee Jugent Joaren. Dit aula, un väl mea, woa jie en dit Buak finjen. Ekj wensch junt väl Leew, un groote Freid, en jun Famielje Läwen.
Jeschräwen enne 2017 von Marlene Rempel en Cuauhtemoc, Chih. Mexico
Toom dit Buak bestalen, Schriew mie hia.
Hia es daut ‘Strof Bilt’ waut ekj jebrukt hab, toom daut Kapitel ‘Strof’ to schriewen. Kjikj doano biem daut Kapitel horchen. Daut woat daut Kapitel kloa moaken. Hia kaus du daut Strof Bilt Rauf Loden oda daen PDF Rauf Loden
